15:05 - 14.05.2026
14 may, Fineko/abc.az. Ağ Evin bəyanatına istinadən bildirilib ki, iki ölkənin liderləri Hörmüz boğazının enerji daşıyıcılarının sərbəst hərəkəti üçün açıq qalması barədə razılığa gəliblər. ABC.AZ xəbər verir ki, bundan əlavə, Si Cinpin Çin tərəfinin Hörmüz boğazının hərbiləşdirilməsinin və ondan istifadə üçün hər hansı ödəniş tələb edilməsinin əleyhinə olduğunu bildirib, Ağ Ev qeyd edib.
“Si Cinpin həmçinin ABŞ neftinin daha böyük həcmdə alınmasına maraq göstərib ki, bu da gələcəkdə Çinin boğaza olan asılılığını azaltmağa kömək edəcək”, — NBC News-un məlumatında deyilir. Ağ Ev Tramp ilə Si Cinpin arasında görüşü müsbət qiymətləndirib.
Daha əvvəl ÇXR sədri Si Cinpin bildirib ki, Çin və ABŞ-ın ümumi maraqları ölkələr arasındakı fikir ayrılıqlarını üstələyir.
