14:34 - 9.07.2026
9 iyul, Fineko/abc.az. Ermənistan hökuməti Avropa İttifaqı ölkələrinə kənd təsərrüfatı məhsulları, qida və içki ixracatçılarına 3,148 milyard dram (təxminən 8,55 milyon dollar) məbləğində subsidiyaların ödənilməsini təsdiqləyib.
Ermənistanın iqtisadiyyat naziri Gevorq Papoyanın sözlərinə görə, vəsait ixrac bazarlarının şaxələndirilməsi üçün qəbul edilmiş Dəstək Proqramı çərçivəsində ixracatçılar qarşısında maliyyə öhdəliklərinin yerinə yetirilməsi üçün lazımdır.
İyun ayında Ermənistan şirkətləri Aİ-yə 780 ton bibər, 200 ton pomidor, 109 ton çiyələk, təxminən 3 min ton ərik, 1,4 min ton albalı, həmçinin mineral su və şüşə qablarda şərab tədarük ediblər.
Baş nazirin müavini Mger Qriqoryan qeyd edib ki, bəzi prioritet məhsul növləri üçün subsidiyalar daimi ola bilər, baxmayaraq ki, onların həcmi indikindən aşağı olacaq.
