17:22 - 20.05.2026
20 may, Fineko/abc.az. ABŞ Ədliyyə Nazirliyi Donald Trampa, onun ailə üzvlərinə və onunla əlaqəli şirkətlərə cari vergi yoxlamaları və mümkün təqiblər üzrə toxunulmazlıq verib.
ABC.AZ xəbər verir ki, The New York Times-ın məlumatına görə, bu, Tramp ilə ABŞ hökuməti arasında bağlanmış razılaşmanın bir hissəsidir. Razılaşma həmçinin prezidentin tərəfdarlarının federal araşdırmalar nəticəsində zərər çəkdiyini iddia edənlər üçün 1,8 milyard dollar həcmində kompensasiya fondunun yaradılmasını da nəzərdə tutur.
Sənəddə göstərilir ki, baş prokuror vəzifəsini icra edən Todd Blanş tərəfindən imzalanmış sənədə əsasən, dövlətə Tramp və onun şirkətlərinə qarşı vergi yoxlamaları aparmaq və ya məhkəmə iddiaları qaldırmaq “əbədi olaraq qadağan edilir”.
Qərar hüquqşünaslar və siyasətçilər tərəfindən tənqid edilib və onun qanunun pozulması və vergi xidmətinə siyasi müdaxilə nümunəsi ola biləcəyi bildirilib.
Bəzi ekspertlər və hər iki partiyanın nümayəndələri kompensasiya fondunu da tənqid edərək onu misli görünməmiş və hüquqi baxımdan mübahisəli adlandırıblar.
