16:12 - 25.05.2026
25 may, Fineko/abc.az. ABŞ-də avtomobil sahibləri neftin bahalaşması fonunda benzin qiymətlərinin bir neçə həftə ərzində təxminən 40% artması ilə üzləşib. Ev təsərrüfatlarının xərcləri yüksəlir və istehlakçılar digər alışlarını azaltmağa məcbur qalırlar.
ABC.AZ xəbər verir ki, yay mövsümü ərəfəsində yanacaq tələbi yüksək olaraq qalır, eyni zamanda benzin ehtiyatları sürətlə azalır. Morgan Stanley-in proqnozuna görə, yay sonunadək ehtiyatlar 198 milyon barelə düşə bilər. Neft emalı zavodları isə daha yüksək gəlirli dizel və aviasiya yanacağı istehsalına üstünlük verirlər.
Ümumilikdə ABŞ iqtisadiyyatının itkiləri 41,5 milyard dollardan çox, yanacaq xərcləri üzrə əlavə yük isə təxminən 45 milyard dollar qiymətləndirilir. Benzinin orta qiyməti artıq 4,5 dolları keçib və təchizatda fasilələr davam edərsə, artımın davam edəcəyi gözlənilir.
