18:30 - 11.06.2026
11 iyun, Fineko/abc.az. “Emaar Properties” Dubayda ümumi dəyəri 200 milyard dirhəm olan yeni şəhər rayonunun tikintisini planlaşdırır. Layihə 4,5 milyon kvadratmetr ərazini əhatə edəcək.
ABC.AZ xəbər verir ki, yeni rayonda təxminən 150 min nəfərin yaşaması nəzərdə tutulur. Beş məhəllədən ibarət olacaq ərazidə yaşayış binaları, villalar, malikanələr, kommersiya ofisləri, ticarət obyektləri, lüks otel infrastrukturu və sosial obyektlər inşa ediləcək.
Plan üzrə ərazi, biznes mərkəzi, ailə məhəlləsi və villa zonası olmaqla, beş ayrı zonaya bölünəcək.
