11:33 - 8.05.2026

---

8 may, Fineko/abc.az. Yaponiyanın avtomobil istehsalçısı "Toyota", mart ayında başa çatan dördüncü rübün yekunlarına görə əməliyyat mənfəətində 49%-lik kəskin azalma qeydə alıb.

ABC.AZ-ın məlumatına görə, CNBC göstəricilərin pisləşməsinin əsas səbəbi kimi ABŞ-ın ticarət rüsumlarının mənfi təsirini göstərir. Maliyyə nəticələri ekspertlərin proqnozlarından əhəmiyyətli dərəcədə aşağı olub; belə ki, ekspertlər əməliyyat mənfəətinin 813,28 milyard yen səviyyəsində olacağını gözləsələr də, real göstərici cəmi 569,4 milyard yen təşkil edib. Eyni zamanda, dünyanın ən iri avtokonserninin rüblük gəliri bazarın gözləntiləri ilə üst-üstə düşərək 12,6 trilyon yenə çatıb və ötən ilin müvafiq dövrü ilə müqayisədə 1,89% artım nümayiş etdirib.