10:33 - 26.02.2026

---

26 fevral, Fineko/abc.az. “Zirə Gülçülük” QSC 2024-cü ili 524 118 manat xalis mənfəət ilə başa vurub. 2023-cü ildə şirkətin mənfəəti 685 122 min manat olub ki, bu da illik müqayisədə mənfəətin 23.5% azalması deməkdir.

ABC.AZ xəbər verir ki, bu barədə məlumat QSC-nin maliyyə hesabatında öz əksini tapıb.

“Zirə Gülçülük” şirkətinin əsas əməliyyat gəlirləri 2024-cü ildə azalma göstərib. Belə ki, 2023-cü ildə 4 milyon 960 min manat olan gəlir 2024-cü ildə 4 milyon 577 min manata enib. Nəticədə şirkətin gəlirləri 8% geriləyib.

Şirkət 2011-ci ildən etibarən bitkilərin yetişdirilməsi, satışı və onlara qulluq göstərilməsi sahəsində fəaliyyət göstərir.