15:43 - 26.12.2025
26 dekabr, Fineko/abc.az. 2025-ci ilin ilk yarısına olan vəziyyətə görə, Azərbaycanın Çin tərəfindən toplanmış birbaşa xarici investisiyaları (BXXİ) 405 milyon dollar təşkil edir ki, bu da 2016-cı ilin 259 milyon dolları ilə müqayisədə artım deməkdir.
ABC.AZ Avrasiya İnkişaf Bankının (AAİB) hesabatına istinadən xəbər verir ki, hesabata görə, BXXİ-nin orta illik artım tempi 2016-cı ildən 4,8% olmuş, 2022-ci ildən etibarən isə demək olar ki, illik 9,7% təşkil edib.
“Hesabatda qeyd olunur ki, portfelin əsas hərəkətverici qüvvəsi emal sənayesidir və Azərbaycanın Çin BXXİ-lərinin 88%-i (2025-ci ilin ilk yarısına 355 milyon dollar) məhz bu sahəyə yönəlib. Sektor üzrə yatırımların həcmi 2016-cı illə müqayisədə demək olar ki, 40 dəfə artıb,” – deyə hesabatda bildirilir.
Bankın analitikləri qeyd edir ki, elektrik və qaz təminatı sahəsində ümumi həcmi 50 milyon dollar olan layihələr də ortaya çıxıb (portfelin 12,3%-i).
“Elektrik enerjisi sahəsində “Universal Energy”, “Universal Solar Azerbaijan” vasitəsilə Qobustan rayonunda 100 MVt gücündə Günəş Elektrik Stansiyası inşa edir. İnvestisiyaların həcmi 100 milyon dollar qiymətləndirilir. Paralel olaraq, “China Datang Overseas” Böyükşor gölü ərazisində 30 MVt saxlama sistemli 100 MVt gücündə günəş elektrik stansiyası layihəsini hazırlayır,” – deyə hesabatda qeyd olunub.
