17:09 - 24.12.2025
24 dekabr, Fineko/abc.az. -(özəı xəbər)- 2025-ci ildə Azərbaycanda 9 jurnalist vəfat edib. ABC.AZ bu il dünyadan köçmüş qələm adamlarının adlarını və siyahısını hazırlayıb. 2025-ci ildə vəfat etmiş Azərbaycan jurnalistləri:
1. Valeh Məhərrəmli
1952–2025
“Səs” qəzetində məsul vəzifələrdə çalışmış, jurnalist və redaktor kimi fəaliyyət göstərib. 2025-ci il aprelin 25-də vəfat edib.
2. Emil Nəcəfov
1994–2025
“Technote.az” saytının baş redaktoru olub, 31 yaşında vəfat edib. Məlumata görə, mərhum dişində yaranmış nasazlıq komplikasiyaya səbəb olub və həmkarımız dünyasını dəyişib.
3. Rüstəm Qaraxanlı
1978–2025
Oxu.Az portalında redaktor kimi fəaliyyət göstərib, 27 avqust 2025-də 47 yaşında vəfat edib.
4. Rasim Ağayev
1940–2025
Veteran jurnalist və mətbuat katibi kimi fəaliyyət göstərmiş media xadimi 14 mart 2025-də 85 yaşında vəfat edib.
5. Şəmistan Nəzirli
1942–2025
Hərbi publisistika sahəsində tanınmış jurnalist və araşdırmaçı idi, 20 sentyabr 2025-də 83 yaşında bu dünyadan köçüb. 6. Nizami Rəhmanlı
1951–2025
Yazıçı-jurnalist, müxtəlif qəzet və jurnallarda çalışmış mərhum 12 oktyabr 2025-ci il, 73 yaşında vəfat edib.
7. Şahin Babayev
1964–2025
Azərbaycan Jurnalistlər Birliyinin sədr müavini, tanınmış jurnalist olan Ş.Babayev 11 noyabr 2025-ci il, 61 yaşında ürək tutmasından vəfat edib.
8. Emin İbrahimov
1981–2025
Azərbaycanda və beynəlxalq mediada fəaliyyət göstərmiş jurnalist, həm də "Euronews"da müxbiri kimi də çalışıb.
Mərhum 2025-ci ilin noyabrında Türkiyədə avtomobil qəzasında həlak olub.
9. Məhəmməd Şabanoğlu
—2025
Tarixçi-fəlsəfə doktoru, yerli mətbuatda jurnalist kimi fəaliyyət göstərmiş M.Şabanoğlu 2025-ci ilin noyabr ayında vəfat edib.
Allah bütün həmkarlarımıza rəhmət eləsin.
Müəllif: Elmir Muradov
