14:12 - 5.06.2025
5 iyun, Fineko/abc.az. 2025-ci ilin iyun ayına olan məlumata əsasən, Azərbaycanda sosial şəbəkələrdən istifadə edənlərin sayı təxminən 6,73 milyon nəfərdir.
ABC.AZ xəbər verir ki, bu rəqəm ölkə əhalisinin təxminən 64,9%-nə bərabərdir. Qeyd etmək vacibdir ki, bu göstərici istifadəçi kimliklərini əhatə edir və bir şəxs bir neçə hesabla təmsil oluna bilər.
Əgər yalnız 18 yaşdan yuxarı əhali nəzərə alınarsa, sosial media istifadəçilərinin sayı 6,73 milyon nəfər təşkil edir. Bu da yetkin əhalinin təxminən 87,7%-nə uyğundur.
2024-cü ilin əvvəli ilə müqayisədə sosial media istifadəçilərinin sayı 635 min nəfər və ya 10,4% artıb.
Ən çox istifadə olunan sosial şəbəkələr və onların bazar payları aşağıdakı kimidir:
YouTube: 36,67%;
Instagram: 24,01%;
Facebook: 15,23%;
Pinterest: 11,15%;
Twitter (X): 7,55%;
Reddit: 2,53%.
Müəllif: Elmir Murad
