12:07 - 17.07.2026

---

17 iyul, Fineko/abc.az. Azərbaycanın pərakəndə bank bazarının aparıcı və qabaqcıl maliyyə institutlarından biri olan "Bank of Baku" ASC 2026-cı ilin I yarısını (yanvar-iyun) uğurlu artım dinamikası ilə başa vuraraq xalis mənfəətini ötən ilin müvafiq dövrü ilə müqayisədə 13,7% artırıb və 16,076 milyon manata (təxminən 9,45 milyon dollar) çatdırıb.

Bununla belə, bankın açıqladığı maliyyə hesabatında diqqət çəkən bəzi mənfi və riskli trendlər də mövcuddur.

Belə ki, hesabat dövründə bankın xərclərinin artım tempi (26,9% və ya 93,183 milyon manat) onun gəlirlərinin artım dinamikasını (26,3% və ya 116,581 milyon manat) qabaqlayıb ki, bu da əməliyyat səmərəliliyinin zəifləməsindən xəbər verir.

Digər neqativ məqam isə kredit risklərinin artması ilə bağlıdır; belə ki, bank ötən ilin müvafiq dövründə ehtiyat vəsaitlərinə qənaət etdiyi halda, bu ilin ilk altı ayında mənfəətindən 2,33 milyon manatı potensial zərərlərin qarşılanması üçün xüsusi ehtiyatlara dondurmaq məcburiyyətində qalıb.

Bundan əlavə, bankın öhdəliklərinin (borc və depozitlərinin) kəskin şəkildə 36,5% artaraq 1,21 milyard manata çatmasına rəğmən, onun bu riskləri sığortalayan balans kapitalı cəmi 14,5% (181,29 milyon manatadək) artıb ki, bu da öhdəliklərin öz kapitalından təxminən 2,5 saniyə daha sürətlə artdığını və bankın maliyyə asılılığının gücləndiyini göstərir.