10:13 - 17.07.2026

---

17 iyul, Fineko/abc.az. Cümə günü keçirilən hərraclarda etalon neft markalarının qiyməti azalır.

Saat 10:10-a olan məlumata görə, ICE Futures birjasında Brent markalı neftin sentyabr fyuçersinin qiyməti 0,42 dollar (0,50%) azalaraq bir barel üçün 83,81 dollara düşüb. İyulun 16-da keçirilən hərracların yekununda Brent neftinin sentyabr fyuçersləri 0,72 dollar (0,85%) ucuzlaşaraq 84,23 dollara çatıb.

Nyu-York Əmtəə Birjasında (NYMEX) WTI markalı neftin avqust fyuçersi saat 10:10-a 0,23 dollar (0,29%) azalaraq 78,72 dollar təşkil edib. İyulun 16-da keçirilən hərracların yekununda WTI neftinin avqust fyuçersinin qiyməti 0,65 dollar (0,82%) azalaraq 78,95 dollar olub.

Azərbaycanın "Azeri Light" markalı neftinin dünya bazarında qiyməti isə 1,99 dollar (2,29%) artaraq 88,82 dollar olub.